Жүкті әйелдердің спирттік сусындар ішуіне болмайтынын бәріміз білеміз. Бірақ кей кездері аяғы ауыр келіншектердің суық сыраның бір стақанын қатты ішкілері келіп тұрады. Мұндай кезде не істейміз – өзіңіз мұндай ләззаттан бас тартасыз ба, әлде сусынның бірнеше жұтымын ішіп аласыз ба? Осы мақала шегінде осы сұраққа жауап іздеп көрейік.

Сыра әлемдегі ең танымал сусындардың қатарына жатады. Оны дайындау өте оңай – арпа ашуы керек, одан соң құлмақ және сыра ашытқысы қосылады. Бір қарағанда мұндай сусын қандай зардап тигізеді деп ойлап қаларсыз? Алайда бірінші қарағандағыдай емес, бұл өте қауіпті болуы мүмкін.
«Тірі сыраның» пайдалы қасиеттері таныс, себебі оның құрамына көп мөлшерде микроэлементтер мен дәрумендер кіреді. Осы себептен дәрігерлер болашақ аналардың бұл сусынды аз мөлшерде қабылдауына рұқсат береді. Өкінішке орай, қазіргі уақытта адал еңбек етпейтін өндірушілер сыраға түрлі бояғыштар мен консерванттар қосуда, себебі сыра ол кезде дәмдік сапасын өзгерпейді және ұзақтау сақталады.

Әлсіз алкогольді осы сусынды аз мөлшерде ішкеннің өзі бауырдың, мидың және бала жүрегінің жұмысында ақау тудыруға себеп болады. Қанға түскен алкоголь бүкіл ағзаға тарап, оған уытты әсер береді.

Жүктілік кезінде сыра ішуге бола ма, жоқ па?

Алкоголь фото бала жолдасының кедергісінен оңай өтеді, осылайша қан тамырларының түйілуіне әкеледі. Бала өз бетімен тыныс ала алмайтындықтан, ол оттегі тапшылығынан зардап шегеді, бір сөзбен айтқанда бала анасының ішінде жатып тұншығады. Бұл шарананың органдары мен жүйелерінің қызметіне жайсыз әсер ететіні сөзсіз. Нәтижесінде бала өз жасындағы қатарластарынан ақылы мен физикалық дамуы жағынан артта қалып отырады.

Егер бірінші триместрде сыра ішетін болсаңыз, бұл баланың іште жатып шетінеуіне әкеледі. Алкоголдік сусындарды сүйетін келіншектерде нәрестелерінің ауыр патологиялармен туылу мүмкіндігі жоғарылап бара жатыр. «Күшті» сусынның күнделікті бір бөтелкесін ішу 6 айға қарай түрлі синдромдардың пайда болуына әкеледі. Алкогольдік сусындарды сүйетін адамдарда мұндай жағдай үнемі қолдарының дірілдеп тұруымен, таң ата салысымен ішкілері келіп тұратын әрекеттермен сипатталады.

Алкогольден басқа, сыраның құрамына эфирлер, альдегидтер, сивуха майы, уыттар кіреді. Ағзаға енгеннен кейін олар, зат алмасуына кері әсер етеді, дәрумендер мен микроэлементтердің сіңірілуіне кедергі келтіреді.

Аяғы ауыр кезде мұндай сусынды ішу жүкті әйелдің ағзасындағы гормондық фонды бұзады. Сыраны көп ішу сыртқы келбетіңізде ер адамға тән белгілердің: дауыс тембрінің өзгеруі, түктердің шамадан тыс көбеюі және т.б. пайда болуына әкеледі.

Сыра ішудің жағымсыз әсерлерінің ең маңыздысы – дүниеге келген балалардың белсіздігі болып табылады.

Жүктілік кезінде алкогольсіз сыра ішуге бола ма?

Алкоголсіз сыралар ашу әрекетін тудыратын ашытқылардан жасалады. Алкоголь аз мөлшерде оның құрамында да кездеседі. Алайда мұнымен іс біткен жоқ. Оның құрамында зиянды қоспалар болады, олар хош иіс, жақсы дәм мен керемет түс беріп тұрады, бұл әрине қауіпті. Консерванттар мөлшері шамадан тыс болғандықтан, ол алкогольді сырадан да қауіпті. Алкоголсіз сыраның құрамына фитоэстрогендер кіреді, ол жүктілік ағымына патологиялық әсер беруі мүмкін.

Жүкті әйел осы сусынның бір жұтымын ішпейінше тұра алмаса, сыраның бір стақанын сәбізбен ауыстыра алады. Әрине, мұны бірдей әсер береді деп айта алмаймыз, алайда ол пайдалы. Егер болашақ ана қатты сыра ішкісі келсе, оның ағзасында В тобының дәрумендері жеткіліксіз деген пікір бар, ал ол сәбіздің құрамында көп кездеседі.