Бұл мерзімде бала жолдасының көлемі 1,6 см жетеді. Жүктіліктің 13 аптасында ол өз қызметін атқаруға толық дайын болады. Бала жолдасы баланы дәрілік заттардың зиянды әсерлерінен қорғайды. Сол себепті қажеттілік орын алса, болашақ ана антибиотиктер қабылдай алады. Бұл кезде бала жолдасы шаранаға ақуыздар мен майларды тасымалдаушы болады. Болашақ баланың ана иммунитетінен қорғалуына ықпал етеді.

 

13 аптада шарананың миы белсенді дамиды. Оның әртүрлі рефлекстері пайда бола бастайды. Болашақ бала жатырға жақындағанда дір ете қалуы мүмкін.

Осы уақытта баланың қабырғалары қалыптасуын бастайды. Сол себепті оған көп кальций қажет.

13 аптада бұған дейін төмендеу орналасқан шарананың құлақтары өз қалпына келе бастайды. Баланың терісі тыржиған секілді болады. Бұл тері астындағы майлардың болмауымен түсіндіріледі. Терінің сыртқы қабатынан қантамырларын байқауға болады. Ультрадыбыстық зерттеу жасаған кезде, баланың кеуде қуысы тыныс алғандағыдай әрекет жасап тұрғанын байқауға болады.

Бала жолдасы шарананы қорғайды. Бірақ қағанақ суы арқылы инфекция өтіп кетуі әбден мүмкін.

Басының диаметрі 3 см құрайды. Болашақ бала денесінің ұзындығы шамамен 9 см жетеді.

Жүктіліктің 13 аптасындағы әйелдің жағдайы

Бұл кезде әйел өз-өзіне сенімді болады. Ол белсенді түрде өзіне қарауды бастайды. Бала жолдасы мен жатыр арасындағы қанның қатты айналуы салдарынан жиі гипотония орын алуы мүмкін. Бұл артериялық қысымның төмендеп кетуіне әкеледі. Қысымның аздап ауысып тұруы қалыпты болып саналады. Егер Сіз өз жағдайыңыздағы күрт өзгерістерді байқасаңыз, жылдам дәрігерге барыңыз, оны кейінге қалдырмаңыз. Қысымның қатты төмендеп кетуі бүйректердің патологиясына ұшыратуы мүмкін. Мүмкін Сізге кардиологтың немесе урологтың кеңесі қажет болады.

Көп әйелдерді бұл кезде іш қату мәселелері мазалайды. Бұған таңқалудың қажеті шамалы. Мұның басты себебінің бірі асқорыту жолдарының органдарына жатырдың қысым жасауы болып табылады. 

Іш қату кезінде көмектесетін іш айдайтын дәрілерді ішу жүкті әйелдер үшін қауіпті. Сондықтан аш қарынға кішкене тұздалған судың 400 мл ішкен дұрыс. Қажеттілік болса өсімдік майымен клизма жасауға болады.

Іш қатуы кезінде арнайы жаттығулар жасау пайдалы. Физикалық белсенділік ішектің жақсы жиырылуына көмектеседі.

Жыныс жолдарында жағындылардың пайда болуы

Жағындылардың сипаты бұл кезеңде өзгермеуі керек. Ережелерді дұрыс сақтамағанда және толыққанды демалмаған кезде иммундық жүйе жұмысында ақаулар болуы мүмкін. Бұл кандидоздың пайда болуына әкеледі. Сізде бұл ауру болса, зеңге қарсы дәрілер ішуге кеңес беріледі.

Иммунитет әлсіреген кезде папилломавирусты инфекция пайда болады. Ол мынадай дене бөліктерінде папилломалардың туындауына әкеледі:

• жыныс органдары;
• жатыр мойны.

Папилломавирустық инфекция кезінде іріңді жағындылар бөлінуі мүмкін. Бұл патология жаңа туған нәрестенің де патологиямен туылуына әкелуі мүмкін. Сондықтан бұл ауруды уақытында емдеген жөн.  

Қанды жағындылар ақса, түсік тастау қаупі ықтимал. Сексуалды жақындастықтан кейін қан байқалса – жатыр мойны аймағында жара пайда болғанының белгісі.

Әйелдің тамақтануы

Әйелдің тамақтануы теңгерімді болуы керек. Тәтті конфеттер мен тоқаштар жеген жақсы емес. Әйел адам одан да кептірілген жемістер мен жаңа піскен жемістер жегені дұрыс.  Бұл кезеңде болашақ ана шамамен аптасына 500 грамм қосып отыруы тиіс.

Тәтті жеу арқылы күйзелісті басу әдеті зат алмасудың бұзылуы мен гипертония белгілерін қиындатуы мүмкін. Шоколадты өнімдерді шамадан тыс жеу қант диабетінің пайда болуына және баланың қалқанша безінде мәселелер туындатуы мүмкін. Мұндай уақытта қатаң диетаға отыруға да болмайды. Барлық нәрсенің өз шегі бар.

Ультрадыбыстық зерттеу нәтижелері

Бұл мерзімде баланың сүйек ұлпалары нығаяды. Шеміршектердің орнына сүйектер қалыптасады. УЗД кескіндерінен болашақ баланың кіндігі:

• тамыр;
• 2 артериядан тұратынын көруге болады.

Шаранының диафрагмасы бұрынғыдай жіңішке сызықты еске салып тұрады. Болашақ баланың ішек, жүрек, бауыр секілді органдарын да көруге болады.