Әр әйелдің жүктілігі әртүрлі өтеді. Кейбіреулері сымбаттылығы мен сұңғақтығын сақтап қалса, біреулері өте көп артық салмақ жинап алады. Кей әйелдер диета ұстау жайлы ойлайды, бірақ балаға зияны тие ме деп уайымдайды. Ағзаға еш зиян келтірмей мұны қалай сауатты жасауға болады?

Диетаның әсері

Барлық диетаның бір ережесі бар: шығындайтын құнарлылықтан қабылдайтын құнарлылық үнемі аз болуы керек. Тамақ мөлшерін азайтып, қозғалыс белсенділігін жоғарылатқан сайын ақырындап салмақ азая береді. Бірақ жүктілік кезінде дәрігерлер қабылдайтын құнарлылық мөлшерін азайтпаған дұрыс деп есептейді, себебі бұл балаға зиянын тигізіп, оның дамуын бәсеңдетуі мүмкін.

Жүкті әйел аяғы ауырлағанға дейінгі уақытқа қарағанда көп тамақ ішу керек. Құнарлылықтың тәуліктік мөлшері 25-30% көтерілуі тиіс. Құрамында ақуызы мол тамақтарды таңдау қажет, себебі ол ағзаның басты құрылыс материалы. Ол баланың ешбір патологиясыз толыққанды дамуы үшін керек.

Ақуыздың қажеттілігі

Жүктіліктің екінші жартысына дұрыс көңіл аудару керек – бұл шарананың белсенді түрде дамитын кезеңі. Жүктіліктің бесінші айынан бастап, тәулігіне шамамен ақуыздың 100 грамын тұтынған дұрыс. Ең жақсысы жануарлардан алынған өнімдерді тұтыну, себебі олардың құрамында қажетті амин қышқылдары болады.

Жануарлар ақуызы күндізгі тамақ үлесінің үштен бірінен тұруы тиіс – ол ет және майсыз балық. Төрттен бірі – ашыған сүт өнімдері мен 5% жұмыртқа. Қалған 40% - көмірсулар мен жасұнық: жармалар, жемістер, көкөністер, бұршақтар. Өсімдік ақуыздарын қолданудың қажеті шамалы, себебі ол қажетті құнарлылықты қамтамасыз ете алмайды, нәтижесінде, баланың гипотрофиясына әкеледі. Сонымен қатар ол метеоризмге және қажетті ферменттердің тозуына әкеліп соқтырады.

Майлар

Бұл жүкті әйелдің күндізгі тамақ үлесіндегі маңызды құрамдас бөлік. Тәулік бойы майлардың 80 грамынан аз тұтынбау керек, олардың үштен бірі өсімдік майлары болғаны дұрыс: жаңғақтар, майлар. Олар A және D дәрумендерінің сіңірілуі үшін қажет. Жануарлар өнімдерінде кездесетін холестерин, анасының да, мамасының да гормондарының өндірілуі үшін маңызды.

Көмірсулар

Ол ағзалардағы энергия тасымалдаушылардың бастысы болып табылады. Нанның құрамында көп көмірсу бар, жылдам сіңеді және  B дәрумені бар. Жүктілік кезінде әйел адамға көп энергия қажет, сол себепті көмірсуларды қажетті мөлшерде қабылдаған дұрыс.

Ең дұрысы кондитерлік өнімдерді және қант мөлшерін азайту, одан да қара бидай наны мен жармалар жеңіз. Сонымен бірге баланың өсуі мен әйел денсаулығы үшін қажет минералды заттар туралы да ұмытпаған жөн.

Темір

Басты негізі – ет. Ағзаға ақуызбен байланысты темірдің болуы да өте маңызды, ол зат алмасу әрекеттеріне қажет. Бұл құрамдас бөліктің тапшылығы анемияға әкеледі және баласы мен анасын оттегімен қамтамасыз етуде ауытқушылықтар тудырады.  

Кальций

Бұл элемент шарананың қаңқасынының мықты болып қалыптасуына қажет. Егер жүкті әйелдің тамақ үлесінде кальций жетіспесе, баланың сүйектерінің қалыптасу әрекетінде ауытқулар орын алады. Ал анасының тістері үгітіліп, остеопороз пайда болады. Мұны болдырмас үшін, тамақ үлесіңізге сүт өнімдерін қосу қажет, ол кальцийдің негізгі көзі болып саналады.  

Фосфор мен магний

Олар баланың сүйек ұлпасы мен жүйке жүйесінің дұрыс қалыптасуы үшін қажет. Балықтың құрамында өте көп  фосфор кездеседі. Магний тарыда, сұлы жармасында, жұмыртқа мен бұршақтарда көп болады. Тек  70 пайызы жануарлар өнімін тұтынғанда сіңіріледі. Өсімдік тағамдарына келсек тек  - 40 %.

Диета мәзірі

Жүктілік кезінде барлық алмасу әрекеттері қарқынды жүреді, сол себепті бүйректерге, АІЖ мен бауырға қатты күш түседі. Анасының дұрыс тамақтануының бұзылуы болашақта балада түрлі патологиялар мен  аллергия тудыруы ықтимал.

Жүкті әйел жиі тамақтануы керек, қатты тоймағаны немесе аш болмауы да маңызды. Тамақты әртүрлі және пайдалы етіп таңдаңыз. Ал диета ұстауға болмайды, себебі балаға зиян келтіруі әбден мүмкін.