Әрбір болашақ ана сыртқы факторлардың теріс әсерінің қаупін азайтуға, баланың дамуына қолайлы жағдай жасауға тырысады. Осы 9 айдың ішінде әйелді көптеген сұрақтар мазалайды, олардың бірі: балаға зиян тигізбеу үшін не жеу керек?

Болашақ ана өз тәрелкесініндегі тамақты мұқият қадағалап отыруы керек. Сонымен қатар, бұрынғы әдеттері мен тамақтану ережесін өзгертуі тиіс, күнделікті тамақ үлесін пайдалы ету үшін, оны қайта қарап шыққан дұрыс. Бұл уақытта жаңа піскен жемістер мен көкөністерді үнемі жеп отыру, бала үшін қауіпті тағамдарды пайдаланбау маңызды. Болашақ аналардың дәрігерлерге жиі қоятын ең маңызды сұрақтарының бірі - жүктілік кезінде бұрыш жеуге бола ма? Басын ашып алайық.

Болгар бұрышы

Бұл құрамында асқазан-ішек жолдарының жұмысын жақсартатын капсаицин, сонымен қатар иммундық жүйені нығайтатын С дәрумені бар көкөніс. Жүктілік кезінде болгар бұрышын жеуге дәрігерлер кеңес береді, өйткені өнім осы кезеңде әйел ағзасына қажет темірді сіңіруге көмектеседі. Сондай-ақ, көкөніс баланың дұрыс дамуы үшін қажет A, B, P дәрумендеріне, магнийге, кальцийге, фосфорға, мырышқа және басқа заттарға бай.

Жүктілік кезінде болгар бұрышы күйзелістен құтылуға, көру қабілетін жақсартуға, шаш пен тырнақтың сынғыштығын болдырмауға көмектеседі. Өнімді үнемі пайдалану - жүрек-қан тамырлары ауруларының алдын-алады.

Маңызды бонус - көкөністің жағымды дәмі бар, оны салаттарға, сорпаға, ботқаға немесе бұқтырмаға қосуға болады. Бірақ сіз термиялық өңдеу арқылы оның құрамында болатын көптеген пайдалы заттардың жойылып кететінін білуіңіз керек. Сондықтан дәрігерлер жүктілік кезінде жасыл және қызыл бұрышты шикі түрінде жеуге кеңес береді. Бірақ қыста көкөніс сатып алмағаныңыз жөн, өйткені ол көбінесе қауіпті химикаттармен өңделеді. Қарсы жағдайда, қатты уланып қалуыңыз мүмкін.

Мұндай пайдалы өнімнің де қарсы көрсетілімдері бар. Сонымен, көкөністі мынадай жағдайларда қолдануға ұсынылмайды:

    Жоғары қышқылдығы бар гастритте;

•  бүйрек және бауыр ауруларында;
•  гипертония кезінде;
•  аллергиялық реакциялар орын алғанда.

Қара бұрыш

Ащы дәмдеуіштер тағам дәмін қанық етеді, сондықтан олар тіпті кез-келген тағамға қосылады. Жүктілік кезінде қара бұрыш тәбетті және асқорытуды жақсартады, бірақ бұл уақытша. Дəмдеуіш шөлдеу сезімін тудырады, ал сұйықтықтың мөлшері шамадан тыс болса, ол ісінуге жəне бүйрек қызметінің бұзылуына əкеледі.

Жүктілік кезінде ашты бұрышты сақтықпен және аз мөлшерде жеу керек. Сондай-ақ, дәмдеуішті гастритпен ауырсаңыз жеуге болмайды, өйткені бұл аурудың асқынуына әкелуі мүмкін.

Болашақ аналарға қауіпсіз болгар бұрышын тамақ үлесіне енгізу болады, бірақ ашты дәмдеуішті қолдануды шектеңіз. Өсімдік майымен дәмделген салаттарға осы көкөністі қосуға болады. Майонезді тамақ үлесінен шығарып тастаған дұрыс, оны пайдалы өнімдермен алмастырған жөн. Сонымен қатар, жүкті әйелдер өз салмақтарын бақылауда ұстағандары дұрыс. Босану кезінде түрлі мәселелерге әкеліп соқтыратын, сондай-ақ баланың денсаулығына әсер ететін артық салмақ жинаудан аулақ болыңыз.